Син — хыялым һаман

Үкенечле мәхәббәттән
Үзәккәем өзелгән.
Сагышларым, моңнар булып,
Йөрәгемнән түгелгән.

Сөю диңгезенең ярларында
Япа-ялгыз торып калсам да,
Син өметем минем,
Син тормышым минем,
Син хыялым минем һаман да.

Күз яшьләрем агызамын,
Алар эчкә йотылган.
Күңелкәем — давлы диңгез
Тамчылардан җыелган.

Сөю диңгезенең ярларында
Япа-ялгыз торып калсам да,
Син өметем минем,
Син тормышым минем,
Син хыялым минем һаман да.

Диңгезләрдә ялгыз җилкән,
Җилләргә ничек түзә? —
Ул синең хакка, хыялым,
Давылга каршы йөзә!

Сөю диңгезенең ярларында
Япа-ялгыз торып калсам да,
Син өметем минем,
Син тормышым минем,
Син хыялым минем һаман да.

Ваша оценка: Нет Рейтинг: 10 (1 голос)
« »