Мин үскәч, десантник булам,
Әзерләнәм бүгеннән.
Кул булгармын әле сезгә
Туган илем күгеннән.
Биекләрдән сикерергә
Мин курыкмаска тиеш
Нәрсәсе бар: очто, төштең
Парашют кигән килеш.
Өйрәнергә, чыныгырга
Мин хәзер үк ашыгам.
Мендем әле сикерергә
Шифонерның башынан.
Биекләрдән сикерергә
Мин курыкмаска тиеш
Нәрсәсе бар: очто, төштең
Парашют кигән килеш.
Кирәк укчага басырга
Очоп төшеп иденгә.
Парашютсыз да сикерәм,
Әткәй куйган мендәргә.
Биекләрдән сикерергә
Мин курыкмаска тиеш
Нәрсәсе бар: очто, төштең
Парашют кигән килеш.
Бу җыр Азамат Фазлыев репертуарында бар
Добавлено АлиһәНур в Пнд, 13/04/2015 - 00:35
«
»