Кайтыгыз, торналар

Категория: көе сүзләре

Күл карап озатты
Торналар китүен;
Сагынып көтә ул
Кабат яз җитүен.

Чылбырдай тезелеп,
Кайтыгыз, торналар;
Бу күлдәй камышлы
Гүзәл күл кайда бар?

Йөрмәгез боегып,
Каңгырып чит илдә;
Оялар корырсыз
Яңадан шул күлдә.

Чылбырдай тезелеп,
Кайтыгыз, торналар;
Бу күлдәй камышлы
Гүзәл күл кайда бар?

Туган як күле киң,
Күңелләр күлдәй киң;
Туган җир тормышы
Шул гүзәл күлгә тиң.

Чылбырдай тезелеп.
Кайтыгыз, торналар;
Бу күлдәй камышлы
Гүзәл күл кайда бар?

Ваша оценка: Нет Рейтинг: 8.9 (28 голосов)
Бу җыр репертуарында бар
« »