Ярдәменнән Ходай ташламас

Ике күзе тулы яшь кенә,
Сызлану үтеп үзәгенә!
Һәр яңа көн — көрәш мәйданы,
Тешне кысып кирәк түзәргә!

Түзем бул син, берүк бирешмә!
"Ник яшим соң җирдә мин", — димә!
Язмыш сынаулары алдында
Башларыңны һич тә син имә!

Иман булса күңел турендә
Ярдәменнән Ходай ташламас!
Гомерең юлында абынып
Егылсаңда, тизрәк торып бас!

Түзем бул син, берүк бирешмә!
"Ник яшим соң җирдә мин", — димә!
Язмыш сынаулары алдында
Башларыңны һич тә син имә!

Авыр уйлар алма башыңа,
Иссә дә җилләре каршыңа!
Һәр туасы якты иртәне
Яңа өмет белән каршыла!

Түзем бул син, берүк бирешмә!
"Ник яшим соң җирдә мин", — димә!
Язмыш сынаулары алдында
Башларыңны һич тә син имә!