Кем югалта, кем таба

Син кайчандыр сөюеңне,
Кайдадыр югалткансың.
Татлы хисләр кечерә алмый,
Сагышларга баткансың.

Кем югалта, кем таба, —
Тормош шулай корылган:
Сөю сүнеп кабат килер
Көт шуңа да, өметлән!

Җаның югалтканны эзли
Өзгәләнеп, өзелеп.
Бетмәс инде, дисең җаный
Яралардан төзәлеп.

Кем югалта, кем таба, —
Тормош шулай корылган:
Сөю сүнеп кабат килер
Көт шуңа да, өметлән!

Өзгәләмә үзеңне,
Югалттым дип ярымны.
Йолдызларга гына сөйлә
Күңелендәге зарыңны.

Кем югалта, кем таба, —
Тормош шулай корылган:
Сөю сүнеп кабат килер
Көт шуңа да, өметлән!

Голосов пока нет
Бу җыр репертуарында бар
« »