Карлыгач канатлы егет,
Сандугач тавышлы кыз.
Кайсы йолдыз асларында
Очрашып таныштыгыз?
Чишмә юлларын бергәләп
Ничә кат уйладыгыз.
Туйлар белән төгәлләнсен
Мәхәббәт юлларыгыз.
Ал микән лә кигәнегез,
Гөл микән кигәнегез.
Ят ярларга күз дә сирпеп
Карамый сөйгәнегез.
Чишмә юлларын бергәләп
Ничә кат уйладыгыз.
Туйлар белән төгәлләнсен
Мәхәббәт юлларыгыз.
Шатландыра гашыйкларның
Елмаеп көлүләре.
Күңелләрдә бөреләнә
Мәхәббәт бөреләре.
Чишмә юлларын бергәләп
Ничә кат уйладыгыз.
Туйлар белән төгәлләнсен
Мәхәббәт юлларыгыз.
Бу җыр Нурәхмәт Мөхәммәтҗан репертуарында бар
Добавлено Almaz в Пнд, 06/02/2017 - 14:22
«
»