Җанымда яз булып кал әле

Бу ярсу биләде җанымны,
Бу ярсу давылдан көчлерәк.
Ничә ел яшәп тә сөюне
Белмәгән икән бит бу йөрәк.

Утка сал, суга сал син мине,
Үзең дә бер дөрләп ян әле.
Үземә булмасаң булмассың,
Җанымда яз булып кал әле.

Башларым әйләнсен сөюдән,
Син мине бәхетле ит әле.
Янымда калмасаң калмассың,
Яндырып булса да кит әле.

Утка сал, суга сал син мине,
Үзең дә бер дөрләп ян әле.
Үземә булмасаң булмассың,
Җанымда яз булып кал әле.

Син мине яшәрттең, яшнәттең,
Теләмим ярсуның тынганын.
Күрмәсәм мин сине дөньядан
Яратмый китәсе булгандыр.

Утка сал, суга сал син мине,
Үзең дә бер дөрләп ян әле.
Үземә булмасаң булмассың,
Җанымда яз булып кал әле.

Ваша оценка: Нет Рейтинг: 9.7 (7 голосов)
Бу җыр репертуарында бар
« »