Добавлено marat_aibash в СБ, 18/03/2017 - 17:51
Авылымның тирә-ягы
Яшеллеккә күмелгән.
Салкын сулы чишмәләре
Мөлдерәмә түгелгән.
Туган авылым Апсабашым,
Син — минем йөзек кашым.
Монда тудым, монда үстем,
Сиңа бәйле язмышым.
Кул сузымы гына урман,
Анда үсә тирәкләр.
Яшел хәтфә болыныңда
Тәмле була җиләкләр.
Туган авылым Апсабашым,
Син — минем йөзек кашым.
Монда тудым, монда үстем,
Сиңа бәйле язмышым.
Кечкенә генә булсаң да,
Син авылым төш кенә.
Сине сагынып җырлар җырлыйм,
Гомер язым син генә!
Туган авылым Апсабашым,
Син — минем йөзек кашым.
Монда тудым, монда үстем,
Сиңа бәйле язмышым.