Хатынга булмый ярап

Тәмәкене тартмадым, тартмадым,
Эчә идем — ташладым, ташладым. Эх!
Ах, шулай да эш харап:
Хатынга (бичәгә) булмый ярап. 

Суын булса — китерәм, китерәм,
Керен булса — киптерәм, киптерәм. Эх!
Ах, шулай да эш харап:
Хатынга (бичәгә) булмый ярап. 

Уртанчысын уйнатам, уйнатам,
Иң кечесен йоклатам, йоклатам. Эх!
Ах, шулай да эш харап:
Хатынга (бичәгә) булмый ярап. 

Тозлыймын кыяр, каклыймын каз…
Ял итимен дисәм бер аз,
“Син — ир кеше, сиңа, — ди ул, —
Җитмеш төрле һөнәр дә аз!” Эх! 
Ах, шулай да эш харап: 
Хатынга (бичәгә) булмый ярап. 
Эх, егетләр!