Добавлено Almaz в ВС, 14/05/2017 - 13:38
Кайтам туган якларыма
Җырчы кошлар кайтканда,
Кошлар моңына кушылып,
Таңнар сызылып атканда.
Әй, авылым таңнары ла,
Сызылып атулары.
Сандугачның чут-чут итеп,
Сайрап уятулары.
Әрәмәлек эчләреннән
Челтер чишмә үтәдер,
Челтер чишмә буйларында
Иркәм мине көтәдер.
Әй, авылым таңнары ла,
Сызылып атулары.
Сандугачның чут-чут итеп,
Сайрап уятулары.
Аны да кош тавышлары
Сайрап уятты микән?
Очар кошлардай талпынып
Каршыма килсәң иркәм.
Әй, авылым таңнары ла,
Сызылып атулары.
Сандугачның һәр таң иртән
Сайрап уятулары.