Яз килгәнен сизмәдем дә,
Кыш-суыклар үткәнен.
Аптырап калдым күргәнемдә
Инде язлар килгәнен.
Агымсулар чылтыр-чылтыр
Ярларына кага-кага.
Күңелемдә яз моңнары
Ташкыннарның тавышлары.
Аптырамагыз язгы суга,
Сулар түгел гомер ага.
Ташкыннарның тавышында
Яшьлегемнең сагышы бар.
Яз килгәне күңелемнең
Чиртте нечкә кылларын.
Йөрәкне назлап эретте
Язгы ташкын сулары.
Сагышларым — язгы ташкын,
Күз яшьләре тамчылары.
Йөрәгемнән бозлар китә,
Әллә инде яшьлек үтә.
Аптырамагыз язгы суга,
Сулар түгел гомер ага.
Ташкыннарның тавышында
Яшьлегемнең сагышы бар.
Бу җыр Айдар Галимов, Вәкил Мурзин репертуарында бар
Добавлено Almaz в ЧТ, 06/07/2017 - 22:19
«
»