Урман эчләрендә урман

Категория: көе сүзләре

Урман эчләрендә урман,
Каен белән карама.
Янам синең утларыңда,
Ниләр табыйм дәвага?

Урман эчләрендә урман,
Керсәм чыга алмам инде.
Төрле агачта — төрле кошлар
Сайрар — түзә алмам инде.

Урман эчләрендә урман
Кереп югалыйм микән?
Эчем яна, тышым яна,
Ничек югалыйм микән?

Урман эчләрендә урман,
Каен белән карама.
Янам синең утларыңда
Ниләр табыйм дәвага?

Ваша оценка: Нет Рейтинг: 7.5 (4 голоса)
Бу җыр репертуарында бар
« »