Тыңлачы, сандугач (икенче вариант)

/Илдар Юзеев шигыйренә язылган көйгә/

Күл буе сандугач, 
Сайрыйдыр талларда. 
Шуңа да яшь күңлем — 
Йокламый таңнарда. 

Тыңлачы, сандугач, 
Үзәкне өзә ич. 
Ул минем яшьлекне — 
Моңнарга күмә ич. 

Ишет син, сөйгән яр, 
Күзең ач, йоклама. 
Шундый да эчкерсез — 
Татлы көй буламы? 

Тыңлачы, сандугач, 
Үзәкне өзә ич. 
Ул минем яшьлекне — 
Моңнарга күмә ич. 

Моңнарым язларда 
Үрелеп назларга, 
Былбылга әйләнеп — 
Ачылды таңнарда. 

Тыңлачы, сандугач, 
Үзәкне өзә ич. 
Ул минем яшьлекне — 
Моңнарга күмә ич. 

Күл буе сандугач, 
Син бит яшьлегем. 
Күңелемә моң салып — 
Булдың киләчәгем. 

Тыңлачы, сандугач, 
Үзәкне өзә ич. 
Ул минем яшьлекне — 
Моңнарга күмә ич.