Кышкы таңнар

Категория: көе сүзләре

Кышкы таңнар. Өерелә карлар,
Туй күлмәге кигән гүзәлдәй.
Карлар булып гүя яшьлек кайта,
Онытмасын әле, дигәндәй.

Онытырлыкмы соң… Кышкы таңда
Ураган мәл авыл урамын,
Сөйгән ярың белән култыклашып,
Ап-ак бураннарга уралып.

Күңелләр дә кар бөртеге сыман,
Өерелә дәртле җилләрдә.
Сөйгәнеңне ал да җилдер генә
Хыял гына җиткән илләргә.

Онытырлыкмы соң… Кышкы таңда
Ураган мәл авыл урамын,
Сөйгән ярың белән култыклашып,
Ап-ак бураннарга уралып.

Ап-ак карлар булып эрегән мәл
Ирененә кунган иркәңнең…
Учларыма кунган һәр бөртектә
Чагылышы ята үткәннең.

Онытырлыкмы соң… Кышкы таңда
Ураган мәл авыл урамын,
Сөйгән ярың белән култыклашып,
Ап-ак бураннарга уралып.

Ваша оценка: Нет Рейтинг: 6 (1 голос)
Бу җыр , репертуарында бар
« »