Синдә нидер, ансын әйтә алмыймын.
Миндә әле язлар китмәгән.
Мәхәббәтем очраклылык түгел —
Сорап алдым сине күкләрдән!
Сорап алдым, әйе, сорап алдым
Илаһыдан кат-кат ялварып.
Тик ул гына диеп дөньясында
Күңелемне минем аңларлык.
Сорап алдым сине дога аша
Тиңем итеп һәрчак күрергә.
Сагышларны җаннан таратырга,
Ямь өстәлсен диеп гомергә.
Сорап алдым, әйе, сорап алдым
Илаһыдан кат-кат ялварып.
Тик ул гына диеп дөньясында
Күңелемне минем аңларлык.
Сорап алдым, сорап, асылкошым.
Исәбем юк һич тә алдарга.
Күрче, сораганым кабул булды —
Мин бәхетле, иркәм, син барга!
Сорап алдым, әйе, сорап алдым
Илаһыдан кат-кат ялварып.
Тик ул гына диеп дөньясында
Күңелемне минем аңларлык.
Бу җыр Рәсимә Денисламова репертуарында бар
Добавлено Almaz в Пнд, 15/01/2018 - 01:15
«
»