Керфекләрең нигә кара? (беренче вариант)

Керфекләрең нигә кара булган,
Күзләрең дә кара булмагач?
Яшь йөрәккә нигә утлар салдың,
Ялкынында үзең янмагач?
А-ай…
Яшь йөрәккә нигә утлар салдың,
Ялкынында үзең янмагач?

Ай да карый миңа моңсу гына,
Белгән кебек минем уемны.
Кем теләми сөйгән яры белән
Гомерлеккә бергә булуны?
А-ай…
Кем теләми сөйгән яры белән
Гомерлеккә бергә булуны?

Керфекләрең нигә кара булган,
Күзләрең дә кара булмагач?
Сөям, диеп, нигә кулың бирдең,
Гомерлеккә бергә булмагач?
А-ай…
Сөям, диеп, нигә кулың бирдең,
Гомерлеккә бергә булмагач?

Ваша оценка: Нет Рейтинг: 9.6 (22 голоса)
Бу җыр репертуарында бар
« »