Елмаю (икенче вариант)

Елмаеп туа матур таңнар, 
Елмаеп килә җылы язлар, 
Дөньяда иң гүзәл җирдә 
Шатланып — елмаеп бергә 
Яшәек без, яшәек, дуслар. 

Елмаю — ул ялкындай көчле, 
Елмаю — ул язгы таң төсле. 
Баш ими һич авырлыкка, 
Горур яши һәр вакытта, 
Елмайган, шат-елмайган кеше. 

Елмайсын гөлләр җирдә һәр яз, 
Елмайсын күктә назлы кояш! 
Артсын һаман тормыш яме, 
Күңелләргә булсын мәңге 
Елмаю, гел елмаю юлдаш.