Серле була, моңсу була
Авылымның кичләре.
Эссе җәйдә чәчәк атты
Күңелемнең хисләре.
Эй, эссе җәй, ямьле җәй,
Күңелдә хозурлык.
Эй, ямьле җәй, бер көнең
Бер елыңа торырлык.
Колач җәеп, иңләп йөзгәч,
Сулар үзенә тарта.
Әкияттәй балачагым
Әйләнеп кире кайта.
Эй, эссе җәй, ямьле җәй,
Күңелдә хозурлык.
Эй, ямьле җәй, бер көнең
Бер елыңа торырлык.
Ярсу атым чабып китте
Тип-тигез җәйләүләрдә.
Очрашырга язсын безгә
Киләсе җәйләрдә дә.
Эй, эссе җәй, ямьле җәй,
Күңелдә хозурлык.
Эй, ямьле җәй, бер көнең
Бер елыңа торырлык.
Добавлено Ильнур в СР, 04/04/2018 - 13:29
«
»