Байлык диеп хәрам җыйма,
Бул гөнаһтан куркулы.
Күрмәгәндәй читләп үтмә-
Егылганга суз кулны.
Игелекләр кылып яшәп
Син тормышта бул данлы.
Туры юлдан алга атла-
Бул һәрвакыт иманлы!
Синнән ярдәм өмет иткән
Мохтаҗ кешеләр бардыр.
Явызлык белән алдырма,
Яхшылык белән алдыр!
Игелекләр кылып яшәп
Син тормышта бул данлы.
Туры юлдан алга атла-
Бул һәрвакыт иманлы!
Кыямәт көн бәндәләргә
Тотасы булыр җавап.
Һәр көнеңдә рәхмәт ишет,
Аз булса да җый савап.
Игелекләр кылып яшәп
Син тормышта бул данлы.
Туры юлдан алга атла-
Бул һәрвакыт иманлы!
Бу җыр Рәсимә Денисламова репертуарында бар
Добавлено Almaz в ВС, 24/06/2018 - 13:59
«
»