Бер ягымда — кызыл Кояш.
Бер ягымда — ап-ак Ай.
Мине озата баралар,
Адашмасын дип бугай.
Әни минем Кояш инде,
Әти Ай дип ышанам.
Уң якта — Ай,
Сулда — Кояш,
Ә мин кемгә охшаган?
Бер кулымнан Әни тоткан,
Бер кулымнан — Әтием.
Шыпырт кына уйлап барам,
Үзләренә әйтмимен.
Әни минем Кояш инде,
Әти Ай дип ышанам.
Уң якта — Ай,
Сулда — Кояш,
Ә мин кемгә охшаган?
Варианты песни
Бу җыр Рита Фахертдинова репертуарында бар
Добавлено АлиһәНур в Пнд, 17/09/2018 - 22:35
«
»