Ак хыяллар

Мин яраткан карлар ява бүген,
Мин туган кыш килде быел да.
Гомер узган саен туган көннәр
Күңелле дә икән, кыен да.

Элекедәй булмас бер нәрсә дә,
Элекедәй түгел беркем дә.
Ак хыяллар бүләк ит син миңа
Карлар яуган шушы бер көндә.

Мин яраткан карлар ява бүген,
Саклый кебек безне өшүдән.
Шул карларга ияреп уйный уйлар
Үткәннәрне искә төшерәм.

Элекедәй булмас бер нәрсә дә,
Элекедәй түгел беркем дә.
Ак хыяллар бүләк ит син миңа
Карлар яуган шушы бер көндә.

Мин яраткан карлар ява бүген,
Күмеп безнең салган эзләрне.
Әйткән сүзләреңә елмайсам да,
Дымландыра һаман күзләрне.

Элекедәй булмас бер нәрсә дә,
Элекедәй түгел беркем дә.
Ак хыяллар бүләк ит син миңа
Карлар яуган шушы бер көндә.