Көттем сине

Көзге урман. Төсләр бәйрәме.
Син сузасың чәчәк бәйләме.
Гөлләмәңдә яфрак төсләре,
Карашыңда сөю хисләре.

Кушымта:
Көткән идем сине җәйләрен,
Үзем тотып чәчәк бәйләмен.
Соң бит инде, бирмә гөлләмә,
Хисләреңне янып сөйләмә.

Туган иде хисләр язларын,
Без югалттык сөю назларын.
Белмәгәнбез: сөю бар икән,
Ул гомердә бары бер икән.

Кушымта.

Күп вакытлар янды йөрәгем,
Кирәк булды дустым-терәгем.
Ник чыкмадың шулчак юлыма,
Гөлләмәңне тотып кулыңа?

Кушымта:
Көттем сине озын җәйләрен,
Үзем җыеп чәчәк бәйләмен.
Көз бит инде, бирмә гөлләмә,
Сөю хисләреңне сөйләмә!

Ваша оценка: Нет Рейтинг: 7 (3 голоса)
« »