Ялгыз имән ярын эзли,
Иелә иңнәремә.
Керер идем кочагыңа —
Булмый, син йөрәгемдә!
Ялгыз имән ярын эзли,
Үрелә беләгемә.
Калма, ияр дияр идем —
Булмый, син йөрәгемдә!
Ялгыз имән яр таба алмый,
Яшь тула күзләренә.
Күз яшьләрен алыр идем —
Булмый, син йөрәгемдә!
Ялгыз имән яр табалмый,
Гел керә төшләремә.
Төшне өнгә кушар идем —
Булмый, син йөрәгемдә!
Бу җыр Хәния Фәрхи репертуарында бар
Добавлено Almaz в Пнд, 25/02/2019 - 23:05
«
»