Көтеп алган бүләк булып,
Бәйрәм килә Җиргә ел да.
Күңелләрдә шатлык тулы,
Яңгырый дәртле җырлар.
Бәхет, куанычлар гына
Алып килсен Яңа еллар.
Имин булсын, озын булсын
Алдагы барыр юллар.
Яңа елның ап-ак кары
Бар дөньяны сафландырсын.
Йөрәкләргә өмет салып,
Һәркемне шатландырсын.
Бәхет, куанычлар гына
Алып килсен Яңа еллар.
Имин булсын, озын булсын
Алдагы барыр юллар.
Бәхетле, мул булсын тормыш
Газиз туган илебездә.
Шөкер итеп, сөенеп яшик
Һәр яңа көнебезгә.
Бәхет, куанычлар гына
Алып килсен Яңа еллар.
Имин булсын, озын булсын
Алдагы барыр юллар.
Добавлено marat_aibash в ВС, 14/04/2019 - 10:03
«
»