Туган көн җыры

Күңелләргә шатлык өстәп
Туган көн килә.
Олы бәйрәм куанычы
Тула һәр өйгә.

Кушымта:
Җырлыйк, биик, шатланышыйк
Дуслар без бергә.
Туган көн бәйрәме була
Елга бер генә.

Мул табынга җыелышкан
Дуслар, туганнар.
Һәр кешенең күңелендә
Әйтер сүзе бар.

Кушымта:

Бәхет кенә алып килсен
Һәрбер туган көн.
Алда көтсен бар кешене
Яңа туар көн.

Кушымта:

Ваша оценка: Нет Рейтинг: 10 (1 голос)
Бу җыр репертуарында бар
« »