Сүрелмәс җырым син (өченче вариант)

Юлыма чыгасың,
Кулларың сузасың,
Оныттың, кадерлем, дисең дә.
Онытылмый назларың,
Яшьлегем язлары
Исемдә, исемдә, исемдә.

Шелтәле карама,
Ят керде арага,
Сагынып яшим, дип, мин генә.
Катлаулы язмышым,
Иң татлы сагышым —
Син генә, син генә, син генә.

Гомерләр үтсә дә,
Көзләрем җитсә дә,
Көзләрем яз иткән нурым син.
Сүнсәм дә сүрелмәс,
Үлсәм дә өзелмәс
Җырым син, җырым син, җырым син!

Ваша оценка: Нет Рейтинг: 10 (1 голос)
« »