Ышандырма

Караңгыда
Шәүләң юкка чыга.
Томаннарда
Уйларың чуала.
Көтмим дисең…
Кулыңны бирмисең.
Үткәннәргә
Кире кайтмыйм дисең.

Сөю үтте диеп ышандырма!..
Ышанасым минем бер дә килми!..
Канатларымны берүк каерма!..
Чын мәхәббәт беркайчан да үлми!..
Ышанасым да килми!
Ышанасым да…
Ышандырма… Сөю…

Акбур белән
Сөюләр язылды…
Яңгыр белән
Көзләрдә юылды…
Адымнарың
Кыюсыз…Китәсең…
Еламыйча
Ничек соң түзәсең?..

Сөю үтте диеп ышандырма!..
Ышанасым минем бер дә килми!..
Канатларымны берүк каерма!..
Чын мәхәббәт беркайчан да үлми!..
Ышанасым да килми!
Ышанасым да…
Ышандырма… Сөю…