Добавлено marat_aibash в ЧТ, 09/01/2020 - 17:09
Кошлар да юлчы дөньяда,
Кошның да үз язмышы.
Юллар җырлы, җырлар — моңлы,
Җырда булмый ялгышып.
Кушымта:
Кошларның да, кешенең дә
Моңы калмый адашып.
Җаны булып җыры кайта,
Җырда булмый алдашып!
Туган ил бар, туган җир бар,
Шатлыклы яз — җырларда.
Кош өчен дә, кеше өчен дә
Бәхет, моң — иле барда!
Үз илендә кош та түрдә,
Җырлап җайлый үз җаен.
Үз илендә кошларны да
Көтәләр һәр яз саен.