Сайрыйсың да моңлы итеп,
Йөрәккә кагыласың.
Нигә әле сагышларның
Еракка агыла соң?
Сайрый-сайрый оч син кошым,
Моңың торсын түгелеп.
Синең сихри җырларыңнан
Күтәрелсен күңелем.
Күркәм җирнең кочагында
Гөл чәчәкләр нур сибә.
Шундый матурлыкны күреп
Йөрәкләр дәртле тибә.
Сайрый-сайрый оч син кошым,
Моңың торсын түгелеп.
Синең сихри җырларыңнан
Күтәрелсен күңелем.
Күңелемә оя үрде
Әй, моңлы илһам кошы.
Сезгә моңын бүләк итәм
Гөлләмәләргә кушып.
Сайрый-сайрый оч син кошым,
Моңың торсын түгелеп.
Синең сихри җырларыңнан
Күтәрелсен күңелем.
Бу җыр Рәзидә Әхмәтова репертуарында бар
Добавлено Almaz в Втр, 04/02/2020 - 19:02
«
»