Тормыш, исәнме!

Бу язда да, тагын бу язда да
Шомырт чәчәкләрен иснәдем.
Чәчәк алып килде бу кем дисәм,
Син икәнсең, Тормыш, исәнме!

Артта торсын юллар исәбе дә,
Арта торсын еллар исәбе.
Сахраларга чыксаң җырлап туймас
Җыр икәнсең, Тормыш, исәнме!

Гомер озын дисәм, рас булырмы,
Сиздерми дә узды, дисәмме?
Күп тә түгел, гомер, аз да түгел,
Бер икәнсең — Тормыш, исәнме!

Ваша оценка: Нет Рейтинг: 1 (1 голос)
Бу җыр репертуарында бар « »