Добавлено Almaz в Втр, 04/02/2020 - 19:56
Белми калдым, күрми калдым:
Киттең… хушлашмадың да.
Эзең генә калды миңа
Йөргән сукмакларыңда.
Кайда киттең? Кемнәр алды —
Давыллармы, сулармы?
Эзләреңдә — ромашкалар,—
Истәлегең шулармы?
Кайсы коштыр исемең белән
Сине чакыра кебек;
Урмандагы һәрбер чәчәк
Сине юксына кебек…
Кая киттең? Кемнәр алды —
Давыллармы, сулармы?
Эзләреңдә — ромашкалар,—
Истәлегең шулармы?
Истәлеккә эзләреңдә
Зәңгәр гөлләр үсәләр…
Кемнәр мине юатырлар,
Гөлне карлар күмсәләр?..
Кая киттең? Кемнәр алды —
Давыллармы, сулармы?
Эзләреңдә — ромашкалар,—
Истәлегең шулармы?
1958