Кеше гомерләре бигрәк кыска,
Ходай безгә, белмим, нигәдер
Кошлар гомере дә бирмәгән шул,
Яши белсәң җитәр дигәндер.
Кеше гомерләре бигрәк кыска,
Кадерләрен биктә беләрлек.
Һәр сәгате аның санаулы бит,
Һәр сәгате үзе гомерлек.
Яшәү үзе матур мизгел ул,
Кадерләрен генә беләрлек.
Кыска гына шул бер гомерне дә
Матур итеп яшәп үтәрлек.
Кеше гомерләре бигрәк кыска,
Шунысына шөкер итәбез .
Кыска гыны шул бер гомернең дә
Кадерләрен белми китәбез.
Кеше гомерләре бигрәк кыска,
Сизелми дә хәтта калына.
Әйтерсең дә гомер учаклары
Бер мизгелгә генә кабына.
Яшәү үзе матур мизгел ул,
Кадерләрен генә беләрлек.
Кыска гына шул бер гомерне дә
Матур итеп яшәп үтәрлек.
Бу җыр Айдар Галимов репертуарында бар
Добавлено Almaz в ПТ, 10/04/2020 - 11:57
«
»