Пар каен

Категория: көе һәм сүзләре

Пар каеннар урман юлында
Озатып кала һәрбер юлчыны.
Кем өчендер юллар әле кыска,
Кемнәрнедер көтә озыны.

Кушымта
Парлы тормыш язсын һәркемгә дә,
Ялгызлыктан Ходай сакласын.
Парлы гомер үзе бәхет бит ул,
Һәрбер йөрәк шуны аңласын.

Пар каеннар шаулый язлар җиткәч,
Ямьләндереп якты дөньяны.
Бергә-бергә гомер кичергәндә
Сизелми дә вакыт узганы.

Җил-давыллар шактый сынаса да,
Бер берсенә терәк пар каен.
Бар дөньяга аклык, сафлык биреп,
Яшәрәләр алар яз саен.

Голосов пока нет
« »