Таңнар ата, сыз(ы)лып ата таңнар,
Таң алдыннан кошлар уяна.
Сандугачлар сайрар иде микән,
Мәхаббәт булмаса дөньяда?
Җир әйләнә, нигә әйләнә җир?
Ә йолдызлар күктә ник яна?
Ай түгәрәк булыр иде микән,
Мәхаббәт булмаса дөньяда?
Сулар ага, сулар чылт(ы)рап ага,
Су алганда сулар болгана.
Сулар чылт(ы)рап агар иде микән,
Мәхаббәт булмаса доньяда?
Җир әйләнә, нигә әйләнә җир?
Ә йолдызлар күктә ник яна?
Ай түгәрәк булыр иде микән,
Мәхаббәт булмаса дөньяда?
Җырлый кеше, җирдә җырлый кеше,
Җырларына каян моң ала?
Җирдә яшәр иде микән кеше,
Мәхаббәт булмаса дөньяда?
Җир әйләнә, нигә әйләнә җир?
Ә йолдызлар күктә ник яна?
Ай түгәрәк булыр иде микән,
Мәхаббәт булмаса дөньяда?
Добавлено tatassr в СБ, 01/08/2020 - 19:27
«
»