Күгәрчен белән сандугач

Олыгайган саен сагыш
Били икән күңелне.
Үз телеңдә аралашу —
Үзе бәхет түгелме?
Тормыш матур, парым алтын,
Ник түгелә яшьләрем?.
Чит җирләрдә чит милләтне
Парым итеп яшәдем.

Күгәрчен белән сандугач
Икәү бергә тормыйлар:
Бер агачка кунсалар да,
Бергә оя кормыйлар.
Киңәш итеп әйтәм сезгә,
Минем сүзне тыңлагыз:
Үз милләттән пар сайлагыз,
Киләчәкне уйлагыз!

Ни кызыгы, хәләл парың
Аһ-зарыңны бүлмәсә?
Балаларың —оныкларың
Үз телеңне белмәсә?
Чит-ят җирдә чит телләрдә
Аралашу зар икән:
Үз телдәшеңне тап икән,
Үз милләтең пар икән.

Күгәрчен белән сандугач
Икәү бергә тормыйлар:
Бер агачка кунсалар да,
Бергә оя кормыйлар.
Киңәш итеп әйтәм сезгә,
Минем сүзне тыңлагыз:
Үз милләттән пар сайлагыз,
Киләчәкне уйлагыз!

Әйтелмичә сүнеп кала
Телләремдә сүзләрем.
Гомер буе аралашыр
Дусларымны эзләдем.
Олыгайган саен, сагыш
Өзә икән бәгырьне.
Үз телдәшең, милләттәшең
Була икән кадерле…

Күгәрчен белән сандугач
Икәү бергә тормыйлар:
Бер агачка кунсалар да,
Бергә оя кормыйлар.
Киңәш итеп әйтәм сезгә,
Минем сүзне тыңлагыз:
Үз милләттән пар сайлагыз,
Киләчәкне уйлагыз!

Имин тормыш, тазалык бар
Ризык киң, тамагым тук,
Без чит агач — ике тамыр,
Яшәүнең кызыгы юк..
Алмагач алмага тулган,
Тәмле дә ул, ямьле дә,
Тик имәнгә чикләвеге
Якын да, кадерле.

Күгәрчен белән сандугач
Икәү бергә тормыйлар:
Бер агачка кунсалар да,
Бергә оя кормыйлар.
Киңәш итеп әйтәм сезгә,
Минем сүзне тыңлагыз:
Үз милләттән пар сайлагыз,
Киләчәкне уйлагыз!

Ваша оценка: Нет Рейтинг: 7.3 (3 голоса)
Бу җыр репертуарында бар
« »