Тәүге яшьлек аланы

Категория: көе һәм сүзләре

Сагындырып искә төшә
Җиләкле аланнары.
Яшел хәтфә болыннары,
Миләш һәм баланнары.

Кушымта:
Бер кайтасы иде кабат
Шул яшьлек аланына.
Туган якны өзелеп сагына
Иң газиз балаң гына.

Челтерәп аккан чишмәнең
Суларын эчсәң иде.
Яшел хәтфә үләненнән
Йөгереп үтсәң иде.

Туган җирдән кадерлерәк
Бүтән кай җир бар тагын.
Сиңа атап җырлар җырлыйм
Сагынып яшьлек таңын.

Голосов пока нет
« »