Йөрәкләргә шакыйм

Туган телнең киләчәген уйлап,
Көлдән тудым кабат…
Кемгә кирәк йөрәгеңдә йөргән
Мәхаббәтле газап?..

Ялан тәпи салкын бозга басып,
Түнә-түнә, балкыйм…
"Ачыгыз!", дип, кешеләрнең бикле
Йөрәкләрен шакыйм, йөрәкләрен шакыйм…

Беркемгә дә беркем кирәк түгел,
Үз көчеңне җуйсаң…
Яшәү мөмкин җирдә тик елмаеп,
Әгәр ерткыч булсаң…

Ялан тәпи салкын бозга басып,
Түнә-түнә, балкыйм…
"Ачыгыз!", дип, кешеләрнең бикле
Йөрәкләрен шакыйм, йөрәкләрен шакыйм…

Чыкмаган җан, анда шайтан түгел,
Һаман өмет яши…
Шул өметне көрәш җыры итеп,
Горур кеше яши…

Ялан тәпи салкын бозга басып,
Түнә-түнә, балкыйм…
"Ачыгыз!", дип, кешеләрнең бикле
Йөрәкләрен шакыйм, йөрәкләрен шакыйм…

Ваша оценка: Нет Рейтинг: 9 (1 голос)
Бу җыр репертуарында бар « »