Туган нигез (өченче вариант)

Кендек каным тамган нигез,
Тамырым сиңа тоташкан.
Башка йортларда яшимен,
Алар җансыз, гел таштан.

Тормыш — диңгез…
Бу дөньяда
Әти-әни булмаса да,
Әти-әни булмаса да,
Тарта нигез,
Тарта нигез…

Өзгәләнә үзәкләрем,
Туган йортым чакыра.
Бик кайтасым килсә дә бит,
Мине кем көтеп тора?!

Тормыш — диңгез…
Бу дөньяда
Әти-әни булмаса да,
Әти-әни булмаса да,
Тарта нигез,
Тарта нигез…

Бик сагынам үзегезне,
Өзелеп кайтасым килә.
Нигеземә башым салып,
Назда янасым килә.

Тормыш — диңгез…
Бу дөньяда
Әти-әни булмаса да,
Әти-әни булмаса да,
Тарта нигез,
Тарта нигез…