Тусҡасан

Моңлантырып ник йырлайсың
Күңелләрем тулғанҡа тип?
Моңло паланы ҡысҡанам
Үсем моңло пулғанҡа.

Сантуғацныңҡы паллары
Сайрамаса пулмай ма тип?
Ата-инәтән тыуған пала
Айрылмаса пулмай ма?

Тал та кискәнем йуҡ ите —
Ник талаты пеләгем тип?
Йар та сөйгәнем йуҡ ите —
Ник йанаты йөрәгем?

Алтын саплы пәгем сынты
Алмалар пүлешкәнтә тип.
Пес ҡайларта йөртөк игән
Пәғетләр өләшкәнтә.

Алай тимәгән итем тә,
Пылай тимәгән итем тип,
Йәш өмөрөм алсу цицәк —
Кибәр тимәгән итем.

Ваша оценка: Нет Рейтинг: 10 (1 голос)
Бу җыр репертуарында бар
« »