Китмәгез туган яклардан

Категория: көе сүзләре

Язмыш җилләре, дибез дә
Чит җирләргә китәбез.
Нигә туган авылларны
Без шулай ят итәбез?

Туган яктан еракларга
Китмәгез, туганнарым.
Сагынырсыз чит җирләрдә
Авылым урамнарын.

Йөгереп кайтыр чаклар була,
Өзеләсең — түзәсең.
Нигә, язмыш, безне шулай
Тамырлардан өзәсең?

Туган яктан еракларга
Китмәгез, туганнарым.
Сагынырсыз чит җирләрдә
Авылым урамнарын.

Туган җирдә яшәүләрнең
Кадерләрен бел генә.
Сагынып елар газиз җир дә
Була икән бер генә.

Туган яктан еракларга
Китмәгез, туганнарым.
Сагынырсыз чит җирләрдә
Авылым урамнарын.

Ваша оценка: Нет Рейтинг: 10 (1 голос)
Бу җыр репертуарында бар « »