Эх, Сабантуй, Сабантуй!

Категория: көе сүзләре

Ямьле җәйләр җиткәч,
Кырда эшләр беткәч,
Бар халык җыела мәйданга.
Уйнап, биеп, җырлап,
Гармун моңын тыңлап,
Күңел ача Сабантуйларда.

Эх, Сабантуй, Сабантуй,
Сабантуйга ни җитә?!
Моңсызларны да җырлата,
Картларны да биетә.
Эх, Сабантуй, Сабантуй,
Күңелләрне җилкетә.
Бәйрәмнәрнең иң ямьлесе —
Сабантуйга ни җитә?!

Күптән көткән бәйрәм
Читләр кала хәйран.
Табыннарда чәйләр, юкә бал.
Әйдә, уңган кешем,
Данга күмик эшең,
Җир селкетеп, әйдә, биеп ал.

Эх, Сабантуй, Сабантуй,
Сабантуйга ни җитә?!
Моңсызларны да җырлата,
Картларны да биетә.
Эх, Сабантуй, Сабантуй,
Күңелләрне җилкетә.
Бәйрәмнәрнең иң ямьлесе —
Сабантуйга ни җитә?!

Атлар уйнап килә,
Мәйдан батыр көтә.
Чиккән сөлге алар билендә.
Кырда иген уңсын,
Җырда шатлык булсын,
Тыныч тормыш булсын илемдә.

Эх, Сабантуй, Сабантуй,
Сабантуйга ни җитә?!
Моңсызларны да җырлата,
Картларны да биетә.
Эх, Сабантуй, Сабантуй,
Күңелләрне җилкетә.
Бәйрәмнәрнең иң ямьлесе —
Сабантуйга ни җитә?!

Ваша оценка: Нет Рейтинг: 10 (1 голос)
Бу җыр репертуарында бар
« »