Дусларга (дүртенче вариант)

Категория: көе һәм сүзләре

Урманнарга барсаң, дустым,
Адашма юлларыңны.
Искә ал бергә чакларны,
Тугры җан дусларыңны.

Әй, шул гүзәл яшьлекнең
Иң бәхетле мәлләре.
Яшь йөрәккә дәва булган
Саф сулы чишмәләре.

Гүзәл яшьлек бер килә дә,
Ни ара уза икән.
Яшьлектәге истәлекләр
Мәңгегә кала икән.

Әй, шул гүзәл яшьлекнең
Иң бәхетле мәлләре.
Яшь йөрәккә дәва булган
Саф сулы чишмәләре.

Гомер көзләре җитсә дә,
Картаймасын йөрәкләр.
Онытмыйк якын дусларны,
Бергә типсен йөрәкләр.

Әй, шул гүзәл яшьлекнең
Иң бәхетле мәлләре.
Яшь йөрәккә дәва булган
Саф сулы чишмәләре.

Голосов пока нет
« »