Хушлашырга ашыкма (икенче вариант)

Без икебез ике ярда,
Гомер ага арадан.
Куллар-кулга үрелгәннәр,
Күзләр-күзгә караган.

Әйдә, иркәм, бир кулыңны,
Кара-каршы басыйк та.
Оныт мәшәкатьләреңне,
Хушлашырга ашыкма.

Язмышлар да бер үк безнең,
Бер үк безнең ялгышлар.
Хис-тойгылар, хыяллар да,
Йөрәктәге сагышлар.

Әйдә, иркәм, бир кулыңны,
Кара-каршы басыйк та.
Оныт мәшәкатьләреңне,
Хушлашырга ашыкма.

Арабызда серле күпер,
Мәхәббәт тора сакта.
Мин бәхетле, җаныкаем,
Янымда син бар чакта.

Әйдә, иркәм, бир кулыңны,
Кара-каршы басыйк та.
Оныт мәшәкатьләреңне,
Хушлашырга ашыкма.