Тәкыялар

Категория: көе сүзләре

Җәйге яшьлек аланында мин чәчкә өзгән идем,
Чәчәкләр өзгән идем дә бәхетләр көткән идем.
Җәйге яшьлек аланында мин чәчкә өзгән идем,
Сөю билгесе дип сиңа тәкыя үргән идем.

Аллы-гөлле, аллы-гөлле
Тәкыялар үрәм хисләремнән.
Беркемгә дә, беркемгә дә инде
Сине бирмәм, сине бирмәм.

Ак чәчәкләр — ак бәхеткә, аллары — саф сөюгә,
Мин сине беркемгә бирмәм, син дә мине җибәрмә.
Ак чәчәкләр — ак бәхеткә, аллары — саф сөюгә,
Чәчәкләрдәй язмышыбыз үрелде тәкыяга.

Аллы-гөлле, аллы-гөлле
Тәкыялар үрәм хисләремнән.
Беркемгә дә, беркемгә дә инде
Сине бирмәм, сине бирмәм.

Чәчәкләрнең көне кыска, безнең сөю — гомерлек,
Тәкыя бәйләме сулса, сулмас хисләр гөлләре.
Чәчәкләрнең көне кыска, безнең сөю — гомерлек,
Беркайчан онытма шушы вәгъдә биргән мизгелне.

Аллы-гөлле, аллы-гөлле
Тәкыялар үрәм хисләремнән.
Беркемгә дә, беркемгә дә инде
Сине бирмәм, сине бирмәм.

Голосов пока нет
Бу җыр репертуарында бар
« »