Тормыш (беренче вариант)

Тормыш-тормыш, син бит безгә
Табышмакның да үзе.
Вакытның тәгәрмәчендә
Йөгертеп йөртә безне.

Иң мөһиме: саулык булсын,
Ә калганын табарбыз.
Эх та итми, бер сугуда,
Ташка кадак кагарбыз.

Уйласаң да, беләлмибез,
Иртәгә ни буласын.
Әйтәлмибез алдыбызда
Нинди сынау торасын.

Иң мөһиме: саулык булсын,
Ә калганын табарбыз.
Эх та итми, бер сугуда,
Ташка кадак кагарбыз.

Һәр кешенең үз агымы,
Үз җае, үз сукмагы.
Рәхәтлек тапсаң җаныңа,
Безгә ни кирәк тагы.

Иң мөһиме: саулык булсын,
Ә калганын табарбыз.
Эх та итми, бер сугуда,
Ташка кадак кагарбыз.