Гомерләрнең язы ни арада үткән,
Чәчләргә чал салып гомер көзе җиткән.
Яшьлек хыяллары, онытылмас назлары
Гомер диңгезендә гүя талмас җилкән.
Яфрак коела җиргә сары юрган булып,
Йөрәк өзгәләнә мөлдерәмә тулып.
Узган гомерләрнең кайтавазы булып,
Талгын гына яшен коя моңсу болыт.
Яшьлектән килгән ул сүрелмәс хисләрдә
Сөю тулы, назлы онытылмас кичләр дә.
Парлы җаннар алар барыбер бәхетле,
Парсыз калганарга, әйтегез, нишләргә.
Яфрак коела җиргә сары юрган булып,
Йөрәк өзгәләнә мөлдерәмә тулып.
Узган гомерләрнең кайтавазы булып,
Талгын гына яшен коя моңсу болыт.
Ялгыз җанның күңеле, әйтерсең, пыяла.
Ялгыш сүз, караштан ул бик тиз уала.
Ялгызлар тәрәздән ала алмый күзен,
Парын көткәннәргә, Ходаем, бир түзем.
Яфрак коела җиргә сары юрган булып,
Йөрәк өзгәләнә мөлдерәмә тулып.
Узган гомерләрнең кайтавазы булып,
Талгын гына яшен коя моңсу болыт.
Варианты песни
