Яңа ел җыры (җиденче вариант)

Бизәкле чыршылар
Ерактан балкыйлар,
Бәйрәмгә чакырып торалар.
Тотышыйк кулларны,
Туачак елларны
Бергәләп каршылыйк, туганнар.

Биегез, җырлагыз,
Оялып тормагыз,
Беркем дә күңелсез калмасын.
Яңа ел кичендә
Һәр кеше өчен дә
Өр-яңа матур җыр яңгырасын.

Яңа ел килгәндә
Синдә дә, миндә дә
Иң якты хыяллар уяна.
Яңа ел, Яңа ел,
Бәхетләр алып кил,
Шатлыклар алып кил дөньяга.