Добавлено rusyazykly в ВС, 14/05/2023 - 15:24
Сәфәр китсәм ерак юлга,
Туган йортым уемда.
Әнкәй биргән юл догасын,
Йөртәм хәзер янымда.
Киң юлларда бер-бер артлы
Чабалар машиналар.
Исән-имин йөр, дип, теләп
Кала газиз туганнар.
Алда чиксез озын юллар,
Өмет, тулы хыяллар.
Моңнар ташый, җанга рәхәт,
Җырласак юлда җырлар.
Киң юлларда бер-бер артлы
Чабалар машиналар.
Исән-имин йөр, дип, теләп
Кала газиз туганнар.
Борма-борма озын юллар,
Сынаулар күп юлларда.
Тыныч күңел, аяз фикер
Бирсен Ходай уйларга.
Киң юлларда бер-бер артлы
Чабалар машиналар.
Исән-имин йөр, дип, теләп
Кала газиз туганнар.