Миңа син кирәк

Еллар узып торсалар да,
Яшьлектә кала күңел.
Янәшәмдә сөйгән ярым,
Бик бәхетле мин бүген.

Сөю-сынау гомердә,
Миңа бары син генә кирәк.
Урын юк анда башкага,
Дип,тибә минем йөрәк.

Үпкәләшкән чакларда да,
Күңел сиңа талпына.
Авыр булган минутларны
Үтик әле сак кына.

Сөю-сынау гомердә,
Миңа бары син генә кирәк.
Урын юк анда башкага,
Дип,тибә минем йөрәк.

Йөрәгемнең түрләрендә,
Чәчәк аттың гөл кебек.
Килер көнгә сөенешеп,
Яшик әле гөр килеп.

Сөю-сынау гомердә,
Миңа бары син генә кирәк.
Урын юк анда башкага,
Дип,тибә минем йөрәк.