Исәнлектә күрешик

Бергә булулар күңелле,
Аерылу бик яман.
Саубуллашмыйк бик озакка,
Очрашып туры һаман.

Бәхет телим сезгә,дуслар,
Исәнлектә күрешик.
Моңнар тулы күңел белән,
Бергәләп җырлап яшик.

Җырлар кәефне күтәрә,
Җыр белән атлау җиңел.
Изге теләк юллыйм сезгә,
Уңышлар теләп бүген.

Бәхет телим сезгә,дуслар,
Исәнлектә күрешик.
Моңнар тулы күңел белән,
Бергәләп җырлап яшик.

Аралашу үзе шатлык
Якын дуслар булганда.
Күбрәк булсын бәйрәмнәре
Күңел җырлап торганда.

Бәхет телим сезгә,дуслар,
Исәнлектә күрешик.
Моңнар тулы күңел белән,
Бергәләп җырлап яшик.